Ten como obxectivo proporcionar unha enriquecedora experiencia educativa na que a aprendizaxe e a mellora do español transcorra en paralelo á inmersión social e cultural nun ambiente internacional, e á promoción da convivencia respectuosa, a música, o teatro, a práctica deportiva e o entretemento.
O campamento de español está dirixido a rapaces e rapazas de 7 a 18 anos, en dúas modalidades: residencial e non-residencial.
Chester Spanish Summer Camp ten dúas modalidades: Residencial e Non Residencial (Day). As datas do Chester Spanish Summer Camp 2020 son as seguintes:
A estancia idónea no Chester International Spanish Summer Camp é a de un mes, para a consecución dos diversos obxectivos propostos.
Non obstante, e en función de criterios tales como a idade do participante ou a necesidade de conciliar vacacións familiares, existe tamén a opción de asistir ao Chester International Spanish Summer Camp en formato “Sesión” (2 semanas).
O Chester International Spanish Summer Camp ten 2 modalidades: Residencial e Non Residencial (Day). O noso campamento inclúe o seguinte, tanto para os nosos participantes residentes, como os non residentes (Day):
A modalidade residencial tamén inclúe:
O programa de español na aula do Spanish International Summer Camp deséñase atendendo ás necesidades individuais de cada participante, despois de realizar un test de nivel e tendo en conta a información académica achegada.
Seguimos un método comunicativo, baseado no enfoque por tarefas promulgado polo Marco Común Europeo de Referencia para as linguas: aprendizaxe, ensinanza e avaliación. O programa aborda as distintas competencias lingüísticas esixidas polos distintos niveis das probas de Español como Lingua Estranxeira (DELE), hoxe por hoxe as únicas certificacións oficiais, recoñecidas a nivel internacional, de acreditación de competencias en lingua española. Son emitidos polo Instituto Cervantes, en nome do Ministerio de Educación, Cultura e Deporte do goberno español.
Os participantes no campamento teñen 3 sesións diarias de 50 minutos de lingua e cultura españolas, de luns a venres.
Adicionalmente, participan en sesións de música e teatro, que desembocarán nunha actuación teatral/musical como produto final do curso.
Tanto os nenos como os adolescentes aprenderán a desenvolverse en diversas situacións do ámbito cotián. A metodoloxía empregada fai uso de abundante material audiovisual (cancións, vídeos, carteis, cómics) e lúdico (xogos didácticos), de modo que as clases son moi dinámicas, participativas e motivadoras.
Proporciónase aos estudantes todo o material didáctico confeccionado polo noso equipo académico.
O noso profesorado é nativo e altamente competente, con moita experiencia na didáctica do español para nenos e adolescentes.
Contamos así mesmo cun equipo de entusiastas monitores e instrutores deportivos, que tamén teñen o español como lingua materna.
A relación media participante-profesor, incluídos os profesores especializados de Música e Deportes, está por debaixo de 7 a 1.
A música e o teatro constitúen un compoñente esencial de todos os nosos campamentos. Ambas constitúen un marco excepcional, divertido e realmente estimulante no que promover a comunicación, a oratoria, a creatividade, a memoria, e o desenvolvemento persoal, entre moitas outras esferas.
Todos os campers, tanto os do English como o Spanish International Summer Camp, preparan, ao longo do programa un Concerto-Musical, que se escenifica ante familiares e amigos o último día do programa. Edicións anteriores inclúen versións estilizadas de Blancanieves, los 121/2 enananitos y sus 2 hadas (2015), Hamlet(2014), Romeo y Julieta (2013), Shrek (2012), The Blues Brothers (2011), Sister Act (2010) e Grease (2009), entre moitos outros.
A práctica deportiva e a competición desempeñan un papel importante no Camp. Cada día, de luns a venres, os campers participan en múltiples actividades deportivas: natación, tenis, béisbol, baloncesto, fútbol, vóleibol, water-polo… ademais de novos xogos e actividades que se introducen cada ano.
Un ou dous días á semana os campers realizan actividades deportivas especiais fóra das instalacións de Chester College, entre as que se inclúen introducción ao surf, canoas, equitación, saídas ao aquapark…
As actividades varían cada semana e non podemos garantir que unha determinada actividade se vaia realizar unha quincena concreta, na medida en que a maioría son dependentes das condicións metereolóxicas ou o estado do mar.
Paseos polo casco histórico de Santiago, visitas a museos e exposicións, breves saídas de compras… constitúen parte integral da exposición á cultura que ofrece a cidade de Santiago de Compostela, sempre activa e en festas no mes de xullo.
Todos os sábados e domingos son días de excursión. Son xornadas divertidas e relaxantes con interese cultural e recreativo, á praia e a enclaves de interés histórico, ambiental e paisaxístico na comunidade galega.
A alimentación do colexio está baseada nunha dieta sa e equilibrada. O centro conta con servizo de cociña propia.
No recreo da mañá, os campers toman un pequeno refrixerio (normalmente, un pequeno bocadillo ou unha peza de froita e auga). O menú do xantar diario é elaborado co asesoramento dun pedriatra e está composto por: 1º prato, 2º prato e sobremesa.
Tamén se atenden todas as necesidades de alimentación especiais: alerxias, dietas médicas, celíacos, diabetes , etc. que poida requerir o participante.
As residencias, masculina e feminina, permanentemente atendidas polos respectivos educadores, convértense en “casa” por un mes, e alí esforzámonos por lograr un ambiente produtivo e acolledor.
Comprende un variado programa que inclúe visitas culturais, concursos, “talent shows”, karaokes, manualidades e outras actividades artísticas (confección de decorados e atrezzo para o concerto final, entre outras), festas temáticas, etc.
English
Español
Galego
